| 評論員 |
時間 |
內容 |
標籤 |
| 盧楚仁 |
2025-01-02T17:48 |
今日(2日)係商品期貨2025年首個交易日，之前出爐慨美國聯儲局「點陣圖」，預示2025年減息次數少過預期，金價係2024年12月明顯缺少上升動力，依家金價係每盎司2630美元徘徊，如果再冇力向上突破，守唔守得住2600美元呢關？ 獨立外匯商品分析師盧楚仁指，現階段會比較睇淡金價，上到2600美元水平只係借地緣政局炒作，其實冇任何實質支持，若金價2025年開始走強，再加上債息升，相信金價過左呢輪反彈浪見頂後，就會展開新一輪跌勢。 佢又話，一旦展開新一輪跌勢，或要跌到2580美元先搵到支持，但呢個位仍有機會失守，若再跌深些，就要落到2500美元才有支持。 |
|
| 盧楚仁 |
2024-12-12T18:18 |
阿拉比卡咖啡期貨周二(10日)曾創紀錄新高，雖然昨日(11日)出現回套，但仍然係今年表現最好慨商品之一，到底呢浸升浪可以持續幾耐？ 獨立外匯商品分析師盧楚仁指，近期可可豆、咖啡豆價格因巴西乾旱而上升，但乾旱只係短暫性因素，所以唔排除咖啡豆價格短期有回套壓力。佢又話，要留意特朗普(Donald Trump)上任後會對巴西慨關稅政策，因為美國商家、消費者或會係佢上任前大手買入咖啡豆，都會利好近期價格表現。 Jasper續指，除非巴西乾旱情況好快過去，同埋特朗普唔向巴西徵收關稅，否則，阿拉比卡咖啡期貨有機會再作歷史新高。 |
|
| 盧楚仁 |
2024-12-03T17:48 |
金價今日(3日)係每盎司2645美元徘徊，未來要留意美國周五(6日)出爐慨非農新增職位，因為有機會影響美國聯儲局今個月慨議息會議決定，強美元對金價有咩影響？金價後市又會點走？ 獨立外匯商品分析師盧楚仁指，美國加關稅會利好美元，令美元維持強勢，但金價就好難向上。雖然最新有聯儲局官員暗示今個月會議可能會宣布減息，但最終減唔減始終要睇周五慨非農就業數據，同埋下周三(11日)公布慨消費物價指數(CPI)，如果兩個數據都理想，佢估計，聯儲局今個月未必會減息。 技術走勢方面，Jasper話，金價昨日(2日)跌穿10天線，反彈後仍受制於10天線，金價今日見頂回落，短線可以先睇2605美元呢個支持位。 |
|
| 盧楚仁 |
2024-11-21T18:08 |
比特幣(Bitcoin)價格不斷破頂，今日升穿95000美元後再上衝，一度逼近98000美元，主要受多個利好消息帶動，包括美國下任總統特朗普(Donald Trump)旗下Trump Media，正洽購數字資產交易平台Bakkt，以及白宮計劃破天荒新設負責加密貨幣政策慨官職等，有咁多利好消息，Bitcoin衝破10萬美元關口似乎都冇難度？ 獨立外匯商品分析師盧楚仁表示，的確有唔少利好消息帶動Bitcoin價格不斷破頂，其實Bitcoin突破10萬美元已經係市場共識，但要留意衝破10萬美元後，可能會出現獲利回套，短炒可以10萬美元為目標，如果想做中長線部署，不妨等價格回調至85000美元水平再吸納，相信Bitcoin係呢個位會有幾大支持。 |
|
| 盧楚仁 |
2024-11-15T18:25 |
昨日(14日)澳洲最新就業數據差過預期，市場估計，新職位增加2.5萬份，結果只增加逾1萬份，更同9月慨6.1萬份相差好遠，數據出爐後，澳元曾跌至0.6430水平，澳洲央行現時有冇減息壓力未？ 獨立外匯商品分析師盧楚仁指，澳洲現時有減息壓力，澳元初時較硬淨，但現時經濟環境較差，通脹數據回落，所以市場都覺得澳州央行會步紐西蘭央行後塵，步入減息周期。 Jasper續指，澳元短線將向0.6350水平進發，唔排除呢個位會有少少支持，但隨著明年步入減息周期，係沽盤湧現下，澳元或見0.6水平。 |
|
| 盧楚仁 |
2024-10-15T17:41 |
中東局勢發展持續影響油價表現，據《華盛頓郵報》報道，以色列唔會攻擊伊朗慨能源及核設施，重申報復行動只限於軍事目標，令市場對於石油供應憂慮紓緩，加上，石油輸出國組織(OPEC)已連續3個月下調今、明兩年需求預測，係供需因素夾擊下，拖累油價3連跌，係咪代表地緣局勢帶動慨反彈已完結？ 獨立外匯商品分析師盧楚仁指，受地緣政局帶動，油價由每桶65美元彈上78美元，由於局勢降溫，以色列亦講明唔會炸伊朗煉油廠作報復，變相冇左利好因素支撐油價，令油價焦點重返基本面。 Jasper續指，由於OPEC睇淡環球經濟前景，令油價持續向下，又認為油價今輪回調有機會落返低位，估計油價有機會跌至65美元才有支持。 |
|
| 盧楚仁 |
2024-09-26T17:27 |
美匯指數隔晚(25日)反彈，但力度有限，只逼近101水平，市場關注美國聯儲局主席鮑威爾(Jerome Powell)今晚(26日)發表慨講話，美匯指數短期可唔可以企穩100水平？ 獨立外匯商品分析師盧楚仁指，美元短線仍算穩陣，市場開始認為唔止美國會減息，歐洲亦會出現類似情況，即每次議息都有機會減息，續而令歐元受壓，所以美匯指數略為回升。 佢又提及，市場依家正靜候美國今晚出爐慨數據，若歐元持續受壓，將會利好美元，美匯指數之後有機會重返102水平。 |
|
| 盧楚仁 |
2024-08-21T19:57 |
國際金價繼續破頂，至於其他貴金屬，尤其白銀價格亦跟到升勢，隔晚衝上1個月高位，再度逼近每盎司30美元關口，若成功衝破30美元，將突破下降通道，後市仲有冇上升空間？ 獨立外匯商品分析師盧楚仁指，對白銀後市有保留，雖然屬於貴金屬，但白銀跟銅、鋁一樣有工業用途，因此，白銀價格可唔可以再升，好視乎環球經濟情況，美元轉弱的確可以推高白銀價格，但單靠美元及金價破頂撐起白銀價格有一定困難，佢估計，白銀價格短期將會出現調整，投資者可以留意28美元水平，若未來美元轉強，白銀後市或要睇得更淡。 |
|
| 盧楚仁 |
2024-08-16T16:28 |
美國最新就業及零售數據，令市場對美國經濟衰退慨憂慮降溫，全球主要國債再被拋售，其中，美國10年期債息昨日(15日)曾高見3.95厘，今日(16日)就落返少少，美匯指數就係103水平徘徊，全周計變動唔大。由於市場對美國經濟有返信心，據最新利率期貨顯示，聯儲局9月減息0.5厘慨機率回落。美國最新數據係咪引證到經濟冇衰退危機？係咪會利好美走勢？ 獨立外匯商品分析師盧楚仁指，美國數據係幾飄忽，最新數據出爐後，市場又認為聯儲局下月只會減息0.25厘，之前price in緊炒減息0.5厘，導致美元急挫，所以呢浸炒返減息0.25厘，對美元會有好大支持，所以見到美債息大幅抽升，美匯指數短期103，甚至104、105進發。 |
|
| 盧楚仁 |
2024-08-08T18:11 |
金價連跌5日後略為回穩，但反彈乏力，現貨金價仍未上返每盎司2400美元水平，美國減息預期及經濟衰退風險升溫，理應為金價帶來支持，但金價似乎受日圓拆倉潮影響。美國今晚(8日)會出就業數據，加上地緣政局因素，可唔可以帶動金價反彈？ 獨立外匯商品分析師盧楚仁指，雖然金價今日有少少反彈，但彈力唔夠，反映市場對金市信心不足，即使避險情緒升溫，但金價仍炒唔起。此外，基本金屬包括銅、鋁，受環球經濟及股市拖累，工業用基本金屬價格大跌，直接拖低埋金價。 佢又話，伊朗可能只係象徵式還擊，未必會令地緣政治升溫，之前炒地緣政治推高金價慨投資者會逐步出貨。 投資部署方面，Jasper表示，就算今晚就業數據利好金價，但上到2413美元水平會有阻力，如果升唔穿呢個位，或跌至2364美元，甚至保歷加通道，即2357美元水平。 |
|
| 盧楚仁 |
2024-07-30T19:28 |
日圓拆倉下，亞太區貨幣顯著受壓，其中，澳元近期跌左唔少，之前已連開9支陰燭，短短3周內匯價由68美仙跌至65美仙。 獨立外匯商品分析師盧楚仁認為，澳元呢輪跌得咁急，唔單止因為唔少投資者借入日圓買澳元後急於平倉，更重要係澳洲及環球經濟問題，令澳洲產品出口需求下跌，而近期大宗商品價格下跌，亦減少澳洲慨能源收益，令匯價進一步受壓，Jasper估計，澳元短線反彈乏力，可能要下試今輪跌浪底部，即63美仙至60美仙。 |
|
| 盧楚仁 |
2024-07-11T16:10 |
美國通脹數據將於今晚(11日)出爐，美匯指數變動唔大，續於105水平徘徊，不過，金價搶閘轉強，上返每盎司2380美元樓上，聯儲局主席鮑威爾(Jerome Powell)最新表示，毋須待通脹回落至2%以下才減息，據最新利率期貨顯示，市場繼續押注聯儲局9月減息，機率已逾70%，若消費物價指數(CPI)一如市場預期放緩，金價有冇條件上返2400美元？ 獨立外匯商品分析師盧楚仁指，今晚出爐慨CPI的確幾關鍵，睇返鮑威爾最新言論，聯儲局的確有機會提早減息，若6月CPI按年升幅收窄至3.1%，甚至更低水平，金價好大機會破位上，唔排除會迫近2400美元，相反，若通脹升溫，美元就會轉強，屆時金價就會轉弱，有可能回落至2350美元。 |
|
| 盧楚仁 |
2024-06-12T17:56 |
美國今晚(12日)會出5月消費物價指數(CPI)及議息結果，市場預期，聯儲局好大機會維持利率不變。另一方面，日本央行今個星期五(14日)亦會公布議息結果，對日圓短線走勢有咩影響及啟示？ 獨立外匯商品分析師盧楚仁指，評估日圓走勢要留意兩方面，首先係今晚出爐慨CPI數據及議息結果，佢認為日圓有機會再跌，但依家係158水平仍有支持，若日央行宣布加息，甚至更鷹派，唔排除日圓有機會見150至152。 |
|
| 盧楚仁 |
2024-06-05T18:11 |
美匯指數今日(5日)一度跌穿104，若近期數據真係反映美國經濟開始有轉弱跡象，美元後市會點走？ 獨立外匯商品分析師盧楚仁指，唔排美匯指數會再跌，但未來走向仍要睇聯儲局慨減息意欲，雖然市場仍預期聯儲局今年會減息，但睇返官員最近發表慨言論，同埋通脹未有明顯回落，削弱局方減息意欲之餘，甚至可能會加息。 Jasper又指，聯儲局下周慨議息會議非常重要，如果今次慨點陣圖反映局方減息意欲再跌，甚至冇減息意向，對美匯指數後市發展相當有利，Jasper認為，短線要睇住經濟數據表現，一旦數據有差池美元就會受壓。 |
|
| 盧楚仁 |
2024-03-19T17:56 |
日本一如預期告別負利率時代，日本央行17年來首度加息，又取消債券孳息率曲線控制(YCC)政策，而行長植田和男係今日(19日)記者會上慨言論亦趨向鴿派。雖然日本進入加息時代，但日圓不升反跌，美匯指數就連升4日，美元兌日圓一度失守150關口，日本10年期債息亦向下，但金融市場反應冷靜，日股更重上40000關，係咪因為預期日圓中線會進一步轉弱？ 獨立外匯商品分析師盧楚仁指，日央行早已暗示會取消YCC政策，但連交易所買賣基金(ETF)都唔買就真係有些意外，但由於市場基本已接受左呢些消息，所以反應冷靜，對Yen慨支持有限，唔排除短期仍有輕微下跌空間，日央行曾表明唔希望日圓升穿152，所以投資者要小心，一旦Yen見151、152水平，日央行或會出手干預，暫時唔適宜睇淡，若當地通脹持續升溫，日央行或會再加息，到時日圓可睇高一線。 |
|
| 盧楚仁 |
2024-02-16T17:43 |
美國1月零售銷售疲弱，美國國債孳息率及美元齊齊向下，帶動金價重上每盎司2000美元水平，不過，今個星期埋單仍錄得兩個月以來最大單周跌幅，金價後市守唔守得住2000美元？加沙局勢方面，雖然停火談判冇進展，但係咪都好難再撐起金價？ 獨立外匯商品分析師盧楚仁指，唔會期望加沙局勢等地緣政治因素可以撐起金價，反而要聚焦持續轉強慨美元走勢，但估計美元短期會初步見頂。 Jasper又指，睇好金價後市可企穩2000美元以上，但短線未必可以行單邊市，投資者可繼續留意2040美元水平。 |
黃金 , 美元 |
| 盧楚仁 |
2023-12-29T18:43 |
【Now財經台】日圓已連跌三年，市場料明年日本有機會退出負利率政策，宜家系咪押注日圓好時機？ 獨立外匯商品分析師盧楚仁話，睇好明年日圓升勢，建議入手。盧楚仁指，相信日本央行無法再壓制日圓，加上美國有望掉頭減息，而日圓沒有減息壓力，反而有加息壓力，結果甚至有機會跑嬴瑞士法朗。 盧楚仁 獨立外匯商品分析師 |
|
| 盧楚仁 |
2023-12-20T18:30 |
【Now財經台】今年所有主要央行議息會議完結，市場焦點轉睇通脹就業數據反映邊間央行有條件率先減息。英國下晝就公布11月通脹數據，消費物價指數(CPI)按年升幅意外收窄至3.9%，低過預期，按月更轉跌，核心CPI按年升幅亦收窄至5.1%，同樣低過預期。 獨立外匯商品分析師盧楚仁認為，英國CPI回落俾到市場明確訊息，可以預期英倫銀行即將步入減息周期。不過，佢預期如無意外聯儲局會搶先係明年3至5月減息，而英倫銀行最快都要到下半年8月先減息。 此外，通脹數據出爐後，英鎊即時轉弱至1.266兌1美元水平。Jasper相信英鎊只系短線受壓，長線有望再上，明年表現仍然可以睇高一線。 盧楚仁 獨立外匯商品分析師 |
美元 , 英鎊 |
| 盧楚仁 |
2023-12-18T18:10 |
【Now財經台】人民銀行周三(20日)就會公布貸款報價市場利率(LPR)，券商基於內地財政支出增加，對年內降准慨預期降溫，估計人行今個月唔會下調LPR，人仔似乎系7.1水平遇阻，後市會唔會跟隨美元橫行？ 獨立外匯商品分析師盧楚仁認同，人仔暫時會跟隨美元橫行，因為中美一直采取相對寬松慨貨幣政策，由於兩邊都唔會比對方甜頭，處於橫區間。基於美元走弱及聯儲局減息慨可能，Jasper估計，人行將采用積極進取慨寬松貨幣政策，估計人仔未來會係7.1至7.3波動。 盧楚仁 獨立外匯商品分析師 |
美元 |
| 盧楚仁 |
2023-11-21T17:54 |
【Now財經台】人仔近日氣勢如虹，昨日(20日)一度升至7.17水平右，今早(21日)曾升穿7.14水平，人仔強勢系咪可以持續？ 獨立外匯商品分析師盧楚仁指，雖然人仔近期的確升得好急，但正正因咁，擔心中央會認為升得過急，有可能會「出口術」降溫，因為內地經濟剛有起色，主要系借人仔弱刺激消費及出口，所以人仔急升中央未必接受到，佢估計，人仔短期會係7.1水平上落。 盧楚仁 獨立外匯商品分析師 |
出口 |
| 盧楚仁 |
2023-11-16T18:53 |
【Now財經台】英國10月消費物價指數(CPI)按年升4.6%，增速系兩年以來最慢，英鎊係CPI出爐後持續轉弱，英鎊兌美元最新跌穿1.24，英倫銀行已連續兩次會議冇加息，市場估計，英國及美國加息周期已經完結，最快明年5月減息，撇除息口因素，點睇英鎊前景？ 獨立外匯商品分析師盧楚仁指，對英鎊睇法維持審慎樂觀，雖然英美息口見頂，但英國通脹仍高過美國，佢認為，相比英國，美國減息空間較大，英國只系暫時唔加息，等通脹慢慢回落，而美國早一步減息會對英鎊有利。Jasper預期，英鎊回調後，好大機會上返1.25以上水平。 盧楚仁 獨立外匯商品分析師 |
美元 , 英鎊 |
| 盧楚仁 |
2023-06-20T18:17 |
【Now財經台】內地各項主要指標利率齊齊下調10基點，不過，離岸人仔今日再失守7.18，人行會唔會有第2輪減息行動？人仔系咪會持續貶值？ 獨立外匯商品分析師盧楚仁估計，人仔會持續偏弱，其實今次減息幅度唔大，因此，市場預期，未來可能會有第3，甚至第4輪減息行動。 Jasper又話，如果內地經濟短期內冇起色，人行會再減息，並估計人仔短期係7.25水平有較大阻力，下半年有機會失守7.25，繼而邁向7.5水平。 盧楚仁 獨立外匯商品分析師 |
|
| 盧楚仁 |
2022-08-25T18:06 |
【Now財經台】美元兌日圓繼續係137水平爭持，已連續4日企係50天線樓上，日本噚日宣布旅客打齊3針可免核酸檢測入境，更有傳未來或開放自由行，依家系咪時候唱定日圓准備返「家鄉」？ 獨立外匯商品分析師盧楚仁表示，日本央行今日表示，會維持寬松貨幣政策，以免入口貨品成本上升，而日圓貶值主要系因為美元強勢，預期美元兌日圓未來會升至140水平，但短期仍會係135至140區間波動。 Jasper又認為，其實日圓匯價已經算低，如果只系去旅行可以唱定先，不過，從投資角度睇，趁依家美元回落買入會抵些。 盧楚仁 獨立外匯商品分析師 |
美元 |
| 盧楚仁 |
2022-05-23T17:42 |
【Now財經台】澳洲大選由工黨勝出，相隔9年再度執政，澳元兌美元今朝走強，升至71美仙樓上，系咪反映市場對大選結果反應正面？ 獨立外匯商品分析師盧楚仁指，如果依家話市場對大選結果反應正面，仍然系言之尚早，澳元回升主要系美匯指數回落。佢又話，雖然唔排除工黨勝出可以修補中澳關系，但如果內地經濟短期仍繼續下行，相信澳元後市都幾麻煩，加上依家環球經濟持續下行，認為澳元後市不太樂觀，唔排除澳元彈一彈又跌過。 盧楚仁 獨立外匯商品分析師 |
澳元 , 美元 , 澳元 , 美匯 , 澳元 |
| 盧楚仁 |
2022-03-17T17:23 |
【Now財經台】美國聯儲局一如預期逾3年以來，首度加息0.25厘，美股噚晚繼續升，美匯指數短暫上過99，之後好快轉弱，美國10年期債息一度見2.24厘，沖上兩年半高位後回落。 獨立外匯商品分析師盧楚仁指，最令市場感到意外系今年有機會加7次息，因為之前一直估加3至4次，而美匯反應唔大兼反覆偏軟，主要系市場已預左加息，其次系俄烏局勢緩和，歐元出現反彈，令美元受壓。短線而言，美匯指數會係97.7至99.4區間橫行，唔排會借勢調整，之後打底再上。 盧楚仁 獨立外匯商品分析師 |
美元 , 美股 , 美匯 , 歐元 |
| 盧楚仁 |
2022-01-28T19:14 |
【Now財經台】美聯儲局主席鮑威爾連環「放鷹」後，美匯指數終於突破去年底未能升穿慨97，見前年6月以黎高位。美匯指數一周暫時升約1.5%，有機會系去年中以黎最好。美國GDP係OMICRON疫情下好過預期，亦有利美匯。今年開局美匯表現理想，未來美聯儲局可能次次議息會議都加息之下，美匯高位可以望到邊度? 獨立外匯商品分析師盧楚仁認為，聯儲局議息之前，美匯係開局頭兩個禮拜都唔太理想，可能因為當時市場都炒左美國股加息，靜觀其變。但聯儲局咁樣「放鷹」，令美匯開始見低回升，加上噚日GDP做好，市場有信心聯儲局每一次議息都加息，甚至第一次會加0.5，對美匯黎講簡直如虎添翼。 JASPER相信美匯指數破97之後，下一個位好快會，即97.8出現機會好大。雖然呢個系阻力位，但力度應該唔太大，可能下個位要去到99.66，先會見到嚇個阻力。 盧楚仁 獨立外匯商品分析師 |
美匯 , 美聯集團 , 中國融保金融集團 |
| 盧楚仁 |
2022-01-14T18:12 |
【Now財經台】美匯今個星期仍然受壓，一星期內跌近1%，有機會系超過半年以來慨最大一周跌幅，點解美匯會急挫？月底美國議息前美匯走勢會系點？ 獨立外匯商品分析師盧楚仁指，聯儲局漸趨鷹派，對美匯睇高一線。雖然美國疫情仍然嚴重，在巿場擔心下美元急跌，不過Jasper就話，呢個只屬技術性調整，唔認為系轉勢，認為美匯指數在約93.87會有支持。 盧楚仁 獨立外匯商品分析師 |
美元 , 美匯 |
| 盧楚仁 |
2021-09-29T17:47 |
【Now財經台】上日美債息再抽升，令美股受壓，加上美國石油協會(API)數據顯示原油庫存上升，令油價回落。但歐美慨天然氣期貨仍然繼續造好，美國天然氣期貨有機會錄得二十年以來最大一年升幅，到底今年第四季再大幅抽升慨機會有幾高？ 商品期貨專家獨立外匯商品分析師盧楚仁認為，能源板塊今年一枝獨秀，燃料供不應求帶動價格愈升愈有，加上踏入冬天擔心短缺問題更嚴重。佢預計目前強勢維持到十月份，但十一、二月份唔排除出現回吐情況。 Jasper預計，天然氣期貨係5.5至5.7美元水平作整固，並係十月份邁向6.5美元高位，甚至有機會突破7美元水平。 盧楚仁 獨立外匯商品分析師 |
能源 , 石油 , 美債 , 美元 , 美股 |
| 盧楚仁 |
2021-04-30T16:23 |
【Now財經台】美國10年期債息噚晚一度重上1.68厘樓以上，支持美匯指數彈上90.8水平。美國第1季核心個人消費支出升2.3%，市場預期今晚公布慨3月核心PCE升幅會擴大至1.8%，係美國經濟復蘇、債息回升下，美匯指數會點走？ 獨立外匯商品分析師盧楚仁認為，美匯指數暫時系見底反彈，GDP同新領救濟人數據都超預期，通脹可能會升溫，到時債息都會跟住上，市場估計，聯儲局可能會加息或退市，都會利好美匯指數。Jasper又話，美匯指數後市要睇住91.36水平，如果突破到呢個阻力，有機會再上。 盧楚仁 獨立外匯商品分析師 |
退市 , 美匯 |
| 盧楚仁 |
2021-03-26T17:39 |
【Now財經台】人民銀行貨幣政策委員會首季例會新聞稿出現一些「改動」，惹來外界一些聯想，例如加入「增加人民幣匯率彈性」字眼，似乎為未來擴大波幅鋪路。 獨立外匯商品分析師盧楚仁指，最近美匯指數轉強，令非美貨幣如人仔及港匯轉弱，加上人行今次係新聞稿「放風」，暗示將會提供適度慨調整空間，估計人仔短線會有調整壓力，而近排離岸人仔已係6.4水平見頂。 Jasper補充，中美關系再度惡化，亦對人仔構成短線壓力，離岸人仔下季或跌至6.66水平才見底。 盧楚仁 獨立外匯商品分析師 |
人民幣 , 美匯 |
| 盧楚仁 |
2021-03-05T17:44 |
【Now財經台】美匯指數升上逾3月高位，今個星期暫時累升近1%，後市系咪仲有上升空間？ 獨立外匯商品分析師盧楚仁認為，美債息扯高，會拉闊左同其他國家如日本、德國及瑞士等慨債息差距，唔少投資者睇好美債，紛紛轉戰美債，令歐元、日圓和瑞郎等貨幣受壓，亦帶動美匯指數上升。Jasper估計，美匯指數短期有機會挑戰93、94水平。 盧楚仁 獨立外匯商品分析師 Your browser does not support iframes. © PCCW OTT (Hong Kong) Limited 2012-2021 著作權所有 私隱政策 | 使用條款 | 免責及著作權聲明 | 不歧視及不騷擾聲明 所有資料或訊息僅作為參考之用。 |
|
