分享此頁

自我建設商務智能網站   請輸入股票編號或公司名稱     搜尋   <06004.HK> -    基本資料 公司名稱 買賣單位 市盈率 市帳率 每股盈利 每股派息 概覽 資料 數據 財務比率 損益 現金流 資產負債 盈利 派息    相關網頁    相關新聞   ≫更多    公司評級 日期 證券商 公司名稱 評級 目標價 ≫更多    公司業績 - 已發佈 日期 公司名稱 營業額* 盈利* % 股息 (仙) ≫更多    評語      最大升／跌項目 顯示所有圖表     指數/價格 名稱 最後更新 指數/價格 變動 變動 % PION REW N2611 null null 0 0 0% ≫更多    專家評論 2024-09-20　長江生命科技(00775)委任Lance Richard Lee Yuen為執董、副總裁及行政總監，其擁有製藥公司的領導經驗，曾任職德國拜耳健康消費品部亞太區總裁。 信達國際研究部主管趙晞文表示，長江生命有兩款藥物將展開第三期臨床試驗，委任擁有製藥背景的人士出任行政總監，應有助推進相關發展，後續要留意公司披露的臨床試驗數據。 2024-09-20　蔚來(09866)第二品牌「樂道ONVO」定位家庭智能電動中型SUV慨「樂道L60」，預售價逾20萬人仔，雖然集團冇再公布定單數量，但管理層6月時已透露預訂超預期，產量有條件達標，係咪會對毛利率有正面影響？ 亨達財富管理董事總經理姚浩然表示，蔚來呢款新車產能及定價的確有一定競爭力，加上有協同效應，若產量足夠可抵銷一定成本開支，至於可唔可以令集團虧損進一步收窄，就再視乎實際定單數量做評估。 佢又話，蔚來產能仍處於「爬坡期」，加上10月開始僅生產5000部，好難推高毛利率，佢估計，蔚來第3季或下半年業績仍要「見紅」，有別於Tesla廠房運作已十分成熟，認為市場要比多少少時間蔚來，睇下未來會唔會交到功課。 2024-09-20　美國啟動減息周期後，港股連續第2日顯著造好，恆生指數衝破18000關後，升勢持續，今早(20日)一度突破18300點，升勢亦有成交配合，呢浸升浪算唔算有驚喜？ 勝利瑞柏基金管理合伙人暨投資總監陳建良指，港股今轉反彈幅度的確比想像中大，雖然成交增加，但同大市波動關係唔大，加上短期始終擺脫唔到上落格局，投資者對反彈慨態度亦變淡，所以今輪升勢唔算特別有驚喜。 KL又話，恆指依家慨反彈幅度唔會再好似4月、5月咁，唔好睇得太樂觀係呢個時候追貨，建議投資者今日做返止賺動作。 2024-09-20　截至早上11時止，1小時內《彭博》用戶搜尋量最多港股，依次為吉利汽車(00175)、碧桂園(02007)、金沙中國(01928)、創科實業(00669)及商湯(00020)。 有消息指，歐盟或押後表現向中國進口電動車加關稅，消息一出，吉利股價今日(20日)一度炒高近8%，高見10.06元，歐盟加徵關稅係咪出現轉機？汽車板塊今日表現唔錯，應唔應該趁機買入博歐盟最終唔加關稅？ 大華繼顯執行董事梁偉源指，歐盟最初提出向中國進口電動車加關稅慨方案，唔係即時實施，並有調整稅率，歐盟成員國對制裁方案都有唔同睇法，未能達成共識，加上中國提出新方案，所以今次押後投票，反映歐盟需要更多時間檢視政策，期望最終可達至雙贏。 Steven又話，現階段買車股風險高，除理想汽車(02015)外，蔚來(09866)及小鵬汽車(09868)每月銷售增長都唔顯著，加上現時內地電動車競爭大，但需求未見增加，若歐盟唔大幅下調關稅，將對車股構成壓力。 2024-09-20　大唐資本投資策略部總監盧志明推介攜程集團(09961) 推介原因： -中秋假期旅遊以短途為主、國慶熱門目的地高鐵票緊張 -內地出境遊市場具主導地位，未來5年目標成為亞洲領先線上平台 -預計未來5年。 2024-09-20　投資者似乎認為美國聯儲局減息可以令經濟「軟著陸」，《彭博》向一批專業投資者做問卷調查，有75%受訪者相信美國經濟會「軟著陸」，如果真係成功「軟著陸」，其中一類受惠股就係細價股，反映美股中小型股表現慨羅素2000指數，昨晚(19日)反彈逾2%，若對比標指，最新相對估值又落返幾年低位，係咪都可以考慮追入呢些股份？ 博威環球證券金融首席分析師聶振邦認為，都要留意返風險承受能力，因為細價股波性一定較大，一定會有部分股份表現較亮麗，繼而推高羅素2000指數，所以要睇下投資者係咪咁好彩「撲中」特別升得靚那些股份，當金融、消費及大型實業股都升慨時候，為穩陣計，都係買返呢些板塊會較適合，注碼分配方面，可以考慮70%資金買較大隻慨股份，餘下30%博羅素2000細價股。 2024-09-19　石藥集團(01093)加碼50億元回購股份，認為股價低於其實際價值。 元宇證券基金投資總監林嘉麒表示，石藥中期業績表現欠佳，觸發大量長線基金減持，今次回購規模相當於市值9%，應可抵銷部分沽壓，但除非業績明顯好轉，否則難以吸引資金重新吸納。 2024-09-19　美國聯儲局啟動減息周期，大手減息0.5厘，美匯指數險守100天線，債市亦有獲利跡象，10年期債息升至3.7厘，係咪因為市場早已消化減息消息，導致美匯指數險守100關？ 亨達集團助理總經理羅明立表示，美匯指數依家係99至100.5仍有好大支持，相信唔會咁快會跌穿100水平，但由於市場想試穿美元底部，所以美匯指數短期仍有一定壓力。 但佢認為，美匯指數應該冇咁快可以上返102水平，所以短線可以考慮係高位沽出，但唔需要睇得太淡，始終美元基本面唔係太差，加上其他央行都有需要減息，美匯指數情況仍唔算太惡劣。 2024-09-19　美國減息後，本港銀行今日(19日)陸續宣布下調最優惠利率(Prime Rate，P)，包括匯豐銀行、中銀香港(02388)、渣打銀行及東亞銀行(00023)，減P對樓市氣氛及整體需求有幾大作用？地產股又值唔值得買？ 耀才證券研究部總監植耀輝認為，今次減P或多或少可以係心理上有提振作用，減輕置業人士負擔，又估計港息未來仍有機會跟隨美國減息步伐進一步下調。不過，樓市交投回升仍然需時，因為今次減息幅度唔算大，有意置業慨人士仍會審慎觀望，一旦按揭利率走勢開始逆轉，準買家先會入市。 Stanley續指，今次減息對地產股有雙重利好作用，首先係減息會對未來樓價有一定支持，相信入市人數亦會增加，其次係減息可紓緩企業資金壓力，利息負擔少左有機會令利潤提升。此外，有大行估計，樓價明年將會錄得溫和增長，但實際情況仍需視乎樓市明年能否復甦，當中仍存在變數，但整體而言，若息口持續向下，對地產股來講仍然係正面。 2024-09-19　美國正式步入減息周期，聯儲局出乎市場預期大手減息0.5厘，但主席鮑威爾(Jerome Powell)話，唔應該視今次減息0.5厘為「新步伐」(new pace)，又話會視乎情況加快、放慢，甚至暫停減息，會後聲明亦提及，就業及通脹情況會係利率走向慨重要指標，聯儲局今年仲有兩次議息會議，如果繼續減息，幅度會係幾多？ 臻享顧問董事總經理王良享認為，美國今次大手減息0.5厘，會令市場覺得聯儲局亦認為美國經濟有衰退風險，所以11月會議再減息0.5厘慨機會好細，不過，現時美國新增職位仍有約10萬個，所以唔排除12月再大手減息0.5厘。 Tommy又指，美國就業情況短期都好難改善，因為依家臨近年尾，企業再請人已經係明年初慨事，所以黎緊呢3個月有機會見到較差慨就業數據。

流動版 | 完全版

論壇守則 | 關於我們 | 聯繫方式 | 服務條款 | 私隱條款 | 免責聲明 | 網頁指南

版權所有 不得轉載 (C) 2024Suntek Computer Systems Limited.

免責聲明 : 88iv設立此一網站，旨在以最快捷的方式為公眾人士提供清楚準確的最新資料，但在整理資料及編寫程式時或會有無心之失。故88iv特此聲明，此一網站所載的資料如有任何不確之處、遺漏或誤植錯字，並引致任何直接或間接的損失或虧損，88iv概不負責，亦不會作出任何賠償（不論根據侵權法、合約或其他規定亦然）。此外，88iv並不保證本網站所載的資料乃屬正確無誤及完整無缺，亦不擔保可以及時將資料上網及內容適合有關用途。